ФОТО | Две Џенифер, два „голи“ фустани: Славните имењачки ги покажаа телата на црвениот тепих на Златните глобуси
Холивудските ѕвезди Џенифер Лопез и Џенифер Лоренс се појавиле на Златните глобуси во речиси целосно проѕирни фустани, секоја толкувајќи го овој предизвикувачки тренд на свој начин.
Препорачано
Џенифер Лопез се појавила на црвениот тепих на Златните глобуси за првпат по разводот на бракот со Бен Афлек, па самото враќање имаше чувство на ново поглавје во нејзиниот живот. За таа пригода, таа избрала целосно проѕирен винтиџ фустан од Жан-Луј Шерер кој ги истакнувал нејзиниот извајан стомак и облини, со раскошни апликации од чипка украсени со кристали кои се спуштале по телото и се трансформирале во драматичен шлеп во форма на сирена од мноштво слоеви тил.
View this post on Instagram
Стајлингот го комплетирала со сјајни дијамантски обетки и украсена кафеава чантичка т. н. „клач“. За нејзиното издание таа вечер се погрижила нејзината долгогодишна соработничка Мариел Хен, која и овој пат го нагласи потписот на Џеј Ло – комбинација од сексапилна транспарентност, архивски дизајн и беспрекорна силуета.
View this post on Instagram
Џенифер Лоренс одлучила да пристапи кон трендот на проѕирни креации од сосема поинаков, но подеднакво смел агол. Таа пристигнала на црвениот тепих на хотелот „Беверли Хилтон“ во, како што истакнале многу коментатори, најразголениот фустан во својата кариера – проѕирна креација која ја откривала речиси целата фигура, оставајќи само стратешки поставени цветни апликации да ја завршат работата на скромност.
Станува збор за фустан по нарачка од модната куќа „Живанши“, дизајнирана во нејзината нова соработка со стилистот Рајан Хејстингс, направена од целосно проѕирен тил во нијанса на кожа, извезен со цвеќиња во розови и зелени тонови кои создавале ефект на „гол“ фустан украсен со нежни ботанички мотиви.
View this post on Instagram
Кројот на нејзиниот фустан дополнително ја зголемил драматичноста на изгледот. Тенките прерамки, длабокото деколте, исечоците на половината и долгото здолниште што едвај го допирало подот придонеле за впечатокот како актерката буквално да шетала во уметничка инсталација, а не во класична вечерна тоалета.
Моментот на убавина на Џенифер Лоренс бил комплетиран со романтична, но многу моќна фризура. Косата ѝ била стилизирана во сјајна фризура со нови, меки шишки кои го врамувале нејзиното лице, додека шминката комбинирала благо зачадени очи, густи трепки, блескав тен, румени образи и сјаен кармин кој го засилувал впечатокот за женственост како на кукла.
View this post on Instagram
Ова појавување на доделувањето на наградите Златен глобус го означи и враќањето на Лоренс на наградата откако ја пропушти минатогодишната церемонија. Овој пат таа беше номинирана за Златен глобус во категоријата за најдобра актерка во драма за нејзината улога во филмот „Умри, љубов моја“ (Die My Love).
И Лопез и Лоренс послужиле како доказ дека трендот на проѕирни, т. н. „голи“ фустани на црвениот тепих не покажува знаци на забавување, туку влегува во нова фаза во која се става подеднакво голем акцент на кројот, конструкцијата и стилизирањето како и на самото ниво на голотија.
Во истата вечер, двете Џенифер така дефинираа две различни поглавја од истата модна приказна.
