Фонтаната „Воин на коњ“ заедно со фонтаните на плоштадот „Филип Втори“ заминуваат на шестмесечен одмор, откако од април досега беа во функција.

Денеска се запираше пристапот на вода во фонтаната и се покриваше со церада, за да не се случи во текот на наредниот период, кога температурите ќе се спуштат под нулата, да замрзнат и да пукнат цевките. Вака покриена фонтаната ќе остане до крајот на април или почетокот на мај кога одново ќе биде пуштена во употреба.

Подната фонтана пак, со години е во зимски сон, нефункционална и заградена со жардинери за некој случајно да не ја доуништи.

Досега и покрај најавите од ЈП „Водовод и канализација“ не се најде ниту желба ниту пари за да се поправи и повторно да го разубавува Градскиот плоштад во текот на топлите месеци.