Фудбалскиот клуб на Вардар на 18 јануари ќе замине на зимски подготовки во Анталија, Турција, каде што ќе престојува до 8 февруари 2025 година.

Скопските „црвено-црни“ во Анталија ќе го одработат главниот дел од подготовките, а покрај самиот процес на тренинзи, екипата ќе одигра и низа на пријателски натпревари.

Овие контролни мечеви треба да придонесат кон подобро воигрување на тимот, пред почетокот на втората полусезона од ПМФЛ.

Серијата пријателски дуел ќе почне на 22 јануари против Актобе од Казахстан, а четири дена подоцна е закажан контролен натпревар против Ибериа 1999 од Грузија.

На 29 јануари Вардар ќе тестира против Верес Ривне од Украина, потоа на 31 јануари ривал ќе биде Аквитал Чаквар од Унгарија, а на 5 февруари ќе игра против Рапид Виена од Австрија.