Во текот на вчерашниот ден беше објавено дека фудбалскиот клуб Македонија Ѓорче Петров го напуштија четворица играчи: Андреј Јаго, Ристе Темелков, Филип Алексовски и Кристијан Стојкоски.

Денеска клубот го претстави најновото засилување во составот, станува збор за Бразилецот Џонатас Жилберто да Силва кој доаѓа од редовите на Перолас Неграс.

Воедно екипата оваа зима во подготовките за пролетниот дел за сезоната, кои ќе ги одработи во Хрватска, закажа четири контролни натпревари.

Македонија ЃП на 20 јануари во Новиград ќе игра против Осиек, три дена подоцна ќе тестира со Радомље.

На 27 јануари „лавовите“ од Ѓорче Петров ќе имаат контролен меч со Алуминиј и на 31 јануари против Сараево.