Фудбалерите на Брегалница од денеска се преселија во српскиот туристички центар Златибор каде ќе биде реализирана централната фаза од подготовките за враќањето на „сините“ на прволигашката сцена.

Попладнево го одработија и првиот тренинг на Златибор на кој присуствуваа 25 фудбалери кои во моментов се во таборот на шефот на стручниот штаб, Марјан Секуловски.

Утре од 17.00 часот со црногорскиот Морнар е закажан и првиот пријателски натпревар на подготовките на кои ќе бидат одиграни и тестови со српската екипа Графичар (14. јули).

Графичар е предводен од поранешниот македонски селектор Бошко Ѓуровски, како и со уште еден црногорски прволигаш, Искра Даниловград.

Како што известуваат од штипскиот прволигаш, се очекува официјалната потврда на противникот и за последниот, четврти, тест дуел на Златибор.