ФК Беласица не ја прифати оставката на тренерот Благој Гуцев
Фудбалскиот клуб Беласица влезе во негативна серија на резултати во Втората македонска лига, во саботата загуби дома од Слога Виница 1934 со 2:3 што беше четврти пораз по ред.
Екипата од Струмица после 24 кола се наоѓа на деветтото место на табелата со 32 бодови.
Тренерот Благој Гуцев понудил оставка, но истата не е прифатена.
– На денешниот состанок на управата на ФК Беласица АД, беше разгледена понудената оставка на шефот на стручниот штаб Благој Гуцев и беше одлучено едногласно дека не е прифатена истата. Гуцев ја ужива целосната доверба и ја има поддршката на управата, како и на фудбалерите и тој е нераскинлив дел од плановите за иднината на ФК Беласица и враќањето на клубот во ПМФЛ – стои во соопштението на ФК Беласица.
Следниот меч Беласица во шампионатот ќе го има на 23 април дома против ФК Пелистер.