Филмот „Анора“ на американскиот режисер Шон Бејкерја освои Златната палма, главната награда на 77-то издание на Канскиот филмски фестивал во Кан, јужна Франција, на 25 мај 2024.

Темната, комчна и трогателна драма за една млада егзотична танчерка, која се вплеткува со син на руски олигарх, победи во конкуренција на 22 продукции, меѓу кои „Мегалополис“ на познатиот режисер Френсис Форд Копола и „Емилија Перес“ на режисерот Жак Аудиар.

Филмот на Шон Бејкер ја продолжува низата филмови на американскиот режисер фокусирани на сексуалните работници, вклучувајќи го и филмот „Црвена ракета“ од 2021 година во Кан и „Проектот Флорида“ од 2017 година со Вилем Дефо во главната улога.

– Оваа победа е посветена „на сите сексуални работници во минатото, сегашноста и иднината“ – рече тој при примањето на наградата, истовремено заблагодарувајќи им се на ѕвездата на филмот, Мајки Медисон, како и на неговата сопруга и продуцент.