Филипче: Вработен во лабораторијата на Детска клиника заразен со Ковид-19
На Инфективната клиника има 57 пациенти, од кои 7 се на механичка вентилација, 14 се на кислородна поддршка, рече министерот Филипче.
Министерот за здравство, Венко Филипче на денешната прес-конференција информираше за лице вработено во лабораторијата на Универзитетската клиника за детски болести кое е позитивно на Ковид-19.
-Денеска е потврден пациент којшто е вработен во лабораторијата на Универзитетската клиника за детски болести, позитивен на Ковид-19 , случајот е изолиран, епидемиолозите направија анализа. Четири од 18 вработени се во изолација- рече Филипче.
Стабилни се двете бебиња, кои се најмладите пациенти заразени со коронавирусот. Но, како што истакна Филипче, денеска имаме шест починати пациенти.
-Денеска имаме 42 оздравени пациенти со два последователно негативни тестови, од Инфективната клиника дома заминаа десет пациенти, а регистрирани се и 32 оздравени пациенти (12 од Дебар и 20 од Скопје) кои се лекуваа во домашни услови. Ова мене лично ме радува, особено кога имаме услови да се соочуваме со непредвидлива болест, секој соасен живот е огромен успах, на сите што се соочуваат им посакувам лесен тек на болеста и добар исход- рече Филипче.
Во изминатите 24 часа се потврдени 54 нови случаи на Ковид-19. По градови: Скопје-13, Куманово -25, Штип -1, Прилеп -10, Тетово -1, Велес -2, Гостивар -1, Кичево -1,
-На Клиниката за инфективни болести и фебрилни состојби во Скопје починаа 4 пациенти на возраст над 60 години, од кои двајца пациенти од Лабуништа, еден пациент од Прилеп и еден од Куманово. Во Болницата „8 септември“ починаа 2 лица, пациент од Велес (67г) и пациент од Куманово (59г)- рече Филипче.
На Инфективната клиника има 57 пацинети, од кои 7 се на механичка вентилација, 14 се на кислородна поддршка.
-Со ова вкупната бројка на дијагностицирани пациенти со Ковид-19 во нашата земја изнесува 908 лица. Досега во земјата се направени вкупно 9.262 тестирања на Ковид -19. Во изминатото деноноќие направени се 710 теста. Континуирано го зголемуваме капацинетот за тестирање со тоа го скратуваме времето за чекање- рече Филипче.
Во однос на набавката на респираторите, тој рече дека завршила постапката за набавката на респиратори и оти од девет пријавени економски оператори две ги задоволувале критериумите.Ќе бидат набавени 31 респиратор од кој седум треба да пристигнат за седум дена, а останатите во текот на следните 30 дена.