Македонскиот ракометар Филип Талески (29) ќе ја продолжи својата професионална кариера во Унгарија, поточно ќе го носи дресот на Татабања.

Од клубот објавија дека имаа проблеми со повредени играчи, па веднаш реагираа доведувајќи го нашиот лев бек кој со своето искуство може да помогне во нападот, но и во одбраната.

Претходно на клупски план ги бранеше боите на Металург, Рајн-Некар Левен (Германија), Балинген (Германија), Вардар 1961 и Бенфика.

Татабања моментно е на третото место во унгарскиот шампионат со 22 бодови, зад водечките Веспрем (26) и Пик Сегед (25).

Воедно, тимот предводен од Едмонд Тот сезонава настапува и во ЕХФ Европскиот куп во чие натпреварување следниот месец ќе игра во осминафиналето против Рунар Сандефјорд од Норвешка.