Македонската ракометна легенда Филип Миркуловски се врати во репрезентацијата каде што ќе ја има улогата на спортски координатор на машките ракометни селекции.

Во Македонија, Миркуловски се враќа по престојот во Германија и ќе го преземе местото на Влатко Тасевски кој ќе биде генерален секретар.

„Благодарен сум на претседателот на РФМ што ми даде прилика да бидам на оваа важна функција за македонскиот ракомет. Како и секогаш, ќе бидам тука да дадам сè од себе со моето знаење кое го стекнав во изминатите години во Германија. Мојата главна цел ќе биде развојот на младинските категории, мораме да ја подобриме и таа комуникација со селекторите. Треба да изградиме и систем на работа за да биде полесно за А-репрезентација. Пред нас е многу работа, верувам дека можам да придонесам“, изјави Миркуловски.