Филаделфија го отпушти Док Риверс
Во тимот на Филаделфија одлучиле да ја раскинат соработката со досегашниот тренер Док Риверс, пренесува „ЕСПН“.
Филаделфија беше поразена во полуфиналето на Истокот од Бостон во седум натпревари, а во одлучувачкиот натпревар беше дури 112:88 за Селтикси. Со овој пораз, Риверс го запиша својот седми неуспех во десет „мајсторки“ во кариерата.
Sources: 76ers fire coach Doc Rivers after three seasons – via @ESPN App https://t.co/LzEIPT7tBS
— Adrian Wojnarowski (@wojespn) May 16, 2023
За три сезони, Риверс со Филаделфија оствари учинок од 154 победи и 82 порази, сезонава Филаделфија забележа 54 победи што беше доволно за трето место во источната конференција.
Со овој потег Филаделфија се придружи на Милвоки, Феникс, Торонто и Детроит како тимови кои отпуштаа тренерите по завршувањето на сезоната.