Федерер и Мирка донираа милион франци за борбата со коронавирусот
Најтрофејниот тенисер на денешницата заедно со својата соприга донираа милион франци на семејствата кои се погодени од пандемијата на коронавирусот во неговата земја.
Федерер моментно се опоравува по операцијата на коленото, но не седи со скрстени раце и одлучи да им помогне на тие кои им е најпотребна помошта во овие времиња.
– Ова се тешки времиња за сите и никој не треба да биде оставен или заборавен. Мојата сопруга и јас одлучивме да донираме милион франци за луѓето кои се најпогоднеи од вирусот во Швајцарија. Ова е само почеток. Се надеваме дека и останатите ќе се вклучат во поддршката на семејствата на кои им е потребна помош. Заедно можеме да ја надминеме кризата. Останете здрави – изјави Федерер.
Швајцарецот во видео пораката порача од сите да држат растојание и да ги почитуваат препораките на докторите за превензија од ковид-19.
Швајцарија е една од најпогодените европски земји од коронавирусот со 10.537 заболени лица и со починати 149 лица.