Фазлагиќ и Жилина поблиску до плеј-офот во УЕФА Конференциската лига
Започнаа натпреварите од третото квалификациско коло во новоформираното УЕФА натпреварување, Конференциската лига, Жилина како гостин триумфираше кај Тобол со 0:1.
За гостите целиот меч во Казахстан го одигра македонскиот интернационалец Енис Фазлагиќ, а за домаќините сета минутажа против Словаците ја доби Алекса Амановиќ кој заработи и жолт картон.
Стрелец на единствениот гол беше Гоно во 27 минута после асистенцијата на Дурис.
Реванш средбата ќе се игра на 12 август, а победникот од овој двомечот во плеј-офот како последна пречка на патот кон групите ќе биде поразениот од Јаблонец – Селтик (3. квалификациско коло, Лига Европа), а по првите 90 минути Чесите загубија од Шкотите со 2:4.
Во другите средби Сочи ремизираше со Партизан (1:1), а со истиот резултат завршија и мечевите КуПС-Астана и Локомотив Пловдив-ФК Копенхаген.