Македонската А репрезентација се подготвува за двата нови натпревари во Лигата на нации, на 23 септември во Тбилиси против Грузија (18.00 часот) и на 26 септември во Скопје против Бугарија (20.45 часот).

Потсетување дека влезниците за мечот на Националната Арена „Тодор Проески“ – Скопје меѓу Македонија и Бугарија се веќе пуштени преку продажната мрежа на „МКТикетс“.

Избраниците на селекторот Благоја Милевски се подготвуваат на Тренинг центарот „Петар Милошевски“, а меѓу нив е и играчот на словачкиот клуб Дунајска Стреда, Енис Фазлагиќ.

– Мораме да веруваме дека можеме да бидеме првопласирани во групата, реално е да одиме на победа против Грузија и Бугарија. Грузијците се квалитетен противник, тоа го покажаа во Скопје (0-3). Максимално треба да се подготвиме за мечот како што треба. Ги сакаме трите бода и мислам дека со наш добар пристап можеме да ја оствариме целта. Треба максимално да сме фокусирани доколку сакаме да триуфираме. Секако, треба да бидеме поконкретни, нормално, треба да постигнуваме голови и на тој начин сè ќе биде во ред – вели Фазлагиќ.

Годинава Фазлагиќ годинава го имаше дебито во сениорскиот дрес во победата над Гибралтар.

Македонија останува во трката за првата позиција која носи промоција во Лигата „Б“ и плеј-оф за пласман на Европското првенство 2024.

Најпрвин мора да се победи Грузија со три голови разлика, па да се оди на каков било триумф против Бугарите. Во наш прилог оди и победа од два или помалку разлика во Тбилиси, но во таков случај Гибралтар треба да ни направи „услуга“, односно да не биде биде поразен во последното коло против грузиската селекција.