Кошаркарите на Црвена звезда остварија победа против Макаби Тел Авив во натпреварот од 16 коло во Евролигата со 98:92.

Првата четвртина беше рамноправна, а тоа најдобро го покажува резултатот од 20:20 на семафорот.

Потоа, белградските „црвено-бели“ одиграа многу подобро во втората и третата четвртина кои им беа доволни за стекнување на солидна предност.

Втората четвртина српската екипа го доби со 31:22, а тоа значеше дека на одмор оди со позитива од 51:42.

Играчите на Црвена звезда блескаа и во третиот период, а во последните 10 минути влегоа со водство од 14 коша разлика.

Израелците беа подобри во последната четвртина (27:19), но не доволно за да направат целосен пресврт на овој меч.

Во победничките редови доминираше Теодосиќ со 27 поени и 14 асистенции, следен од Боломбој со 20 поени. На спротивната страна Болдвин забележа 22 поени, а два помалку Браун (шест асистенции).

Црвена звезда е моментно на 15 позиција на табелата, додека Макаби Тел Авив е шестопласиран (9-7).

Во четвртокот се одиграа уште два натпревари: Валенсија – Виртус Болоња 79:71 и Реал Мадрид – Партизан 91:75.

Табела: Реал Мадрид 15-1, Виртус Болоња 11-5, Барселона 1-5, Партизан 9-7, Валенсија 9-7, Макаби Тел Авив 9-7, Панатинаикос 8-7, Монако 8-7, Фенербахче 8-7, Басконија 8-7…