По стартниот пораз од Војводина во Нови Сад, екипата на Еурофарм Пелистер денеска во својот втор натпревар од групата „А“ во СЕХА лигата загуби и на гостувањето во Нашице од Нексе со 29:25.

За македонскиот вицешампион најефикасен беше Радовиќ со пет голови, а четири запиша Костески.

Кај Хрватите шест погодоци реализираше Сршен, а по четири Северец, Мославац и Мелиќ.

На табелата со шест бодови води Војводина, пред Нексе со три, а последен е Еурофарм Пелистер (0).

Во следното коло на 2 март составот на Валтер ќе биде домаќин на српската Војводина.