Европскиот инвестициски фонд (ЕИФ) ја финансирал израелската фирма за шпионски софтвер „Парагон солушнс“ во 2020 година преку локален фонд за ризичен капитал поврзан со напади врз активисти и новинари, објави денес „ЕУ Обсервер“.

Портпаролот на Европската инвестициска банка (ЕИФ), во која е вклучена и ЕИФ, потврди дека ЕИФ обезбедила капитал за инвестирање во „Парагон солушнс“ преку „Ред сот капитал Партнерс II ЛП“, фонд специјализиран за сајбер безбедност, вештачка интелигенција и машинско учење.

Според документите на ЕИФ, „Парагон солушнс“ е назначен за „краен корисник“ на средствата во рамките на програмата „Иновфин еквити фајл“ (ИФЕ), која е дел од програмата „Хоризонт 2020“ на Европската Унија, во која Израел учествуваше како „придружена земја“, објави „ЕУ Обсервер“.

ЕИФ вели дека се воспоставени заштитни мерки за да се осигури дека фондовите на ЕУ не поддржуваат компании што ги кршат стандардите на ЕУ за човекови права, демократија и владеење на правото, и дека условите за подобност се исполнети во моментот на инвестицијата.

Критичарите, вклучувајќи ја и европратеничката Саскија Брикмонт и невладината организација „Кантер баланс“, предупредуваат дека ваквите инвестиции ја поткопуваат јавната доверба, ги кршат правата за приватност и демократијата и бараат построга регулација на финансирањето и употребата на алатки за шпионирање.

„Ова е уште еден пример за тоа како ЕУ, директно или индиректно, финансира индустрија која ги шпионира сопствените граѓани, со поддршка на европските институции“, рече Брикмон.

Таа додаде дека е „загрижувачко што Унијата овозможува алатки што ги поткопуваат демократијата, основните права и владеењето на правото“, повикувајќи ја Европската комисија и земјите членки да ги усвојат препораките на ЕП за строго регулирање на употребата на шпионски софтвер и забрана за негово финансирање од јавни средства. Критичарите велат дека моменталната транспарентност и надзор на инструментите за финансирање на ЕУ се недоволни, особено кога средствата минуваат низ повеќе фондови до крајниот корисник. „Парагон Солушнс“ е специјализирана за развој на напреден шпионски софтвер, а нејзината програма „Графит“ овозможува хакирање на шифрирани паметни телефони и се продава на безбедносни и разузнавачки служби низ целиот свет, вклучувајќи ја и американската имиграциска служба ICE.

Во јануари, „Ватсап“ објави дека сметките на околу 90 корисници, вклучувајќи новинари и активисти, биле цел на шпионски софтвер Парагон, а во јуни, италијанскиот парламентарен комитет за надзор на безбедносните служби потврди дека софтверот на Парагон бил користен против двајца активисти, објави Танјуг.

Компанијата Парагон, основана во 2019 година од поранешниот израелски премиер Ехуд Барак и поранешниот шеф на военото разузнавање Ехуд Шнерсон, ја користеле властите во неколку земји за следење на активисти, вклучително и Италија.