Епидемиологот Радовановиќ за ситуацијата со високите ковид бројки: Србија моментно е „црна“ зона
Србија во моментот е „црна зона“, според бројот на нови случаи на ковид-190 на дневно ниво, изјави српскиот епидемиолог Зоран Радовановиќ. Таквиот став го поткрепи со бројот на потврдени инфекции во 24 часа кој, како што рече, е околу 5.000, додека соодносот на позитивни наоди во однос на направени тестови е околу 35 отсто.
– Ние сме во црна зона, доколку ги имате предвид случаите што се потврдуваат на дневна основа, изјави Радовановиќ за ТВ Н1.
Според него, и покрај високите бројки, Србија во моментот функционира со поблаги епидемиолошки мерки, за разлика од други држави на стариот континент, па затоа нагласи дека би било апсурдно да се оди на нивно дополнително ублажување, во услови во кои ситуација е каква што е.
Тој го поздрави потегот на српските власти што ги отворија вратите за вакцинација на државјани од соседните земји, но и пошироко.