Денеска македонската женска кадетска ракометна репрезентација во натпреварот за 21 место загуби убедливо со 40:25 од Романија на Европското првенство во Црна Гора.

Избраничките на селекторот Даниела Новеска не обезбедија опстанок и испаднаа во Б дивизијата (ЕХФ шампионат 2027).

Сите дилеми беа решени веќе во текот на првото полувреме кога Романките стекнаа позитива од 10:2 и ја одржуваа истата до крајот на натпреварот во салата Морача Подгорица.

Најефикасна во нашата селекција беше Ања Лашкоска со седум погодоци, а пет запиша Марија Димоска.

На спротивната страна Марија Сара Штарк имаше осум голови, а по шест Марија Делија Росу и Марија Ралука Титу.