Славниот боксерски шампион Ентони Џошуа е отпуштен од болница во Нигерија и ќе го продолжи лекувањето во домашни услови, откако лекарите проценија дека неговата здравствена состојба е стабилна и не бара понатамошен болнички третман.

Иако физичките повреди се под контрола, Џошуа во моментов се соочува со значително потешка психолошка битка. Боксерот тешко ја поднесува трагичната загуба на двајцата блиски пријатели и соработници кои го загубија животот во истата сообраќајна несреќа.

Поради целокупната ситуација, веќе е извесно дека долгонајавуваниот спектакл против Тајсон Фјури, кој беше планиран за 2026 година во Ријад, нема да се одржи и официјално ќе биде откажан.

Преземено од: Спорт.ком.мк

Џошуа учествувал во сообраќајна несреќа во која загинале двајца луѓе