Актерката Ен Хатавеј сподели фотографии од нејзината трансформација за филмот „The Witches“ чија премиера е закажана за 22 октомври на „HBO Max“.

Оскаровката Ен (37), која може да се пофали со 29,2 милиони следбеници на социјалните мрежи, на својот Инстаграм профил сподели како ќе изгледа во нејзината нова улога.

Морничавиот изглед на Ен со лузни од насмевка во стилот на Џокер се дело на нејзината лична шминкерка Паула Прајс.

„Вештерското дело е целосна соработка на костимографите, фризерите и шминкерите, сценаристите, мојот тренер за дијалекти, одделот за ефекти, акорбации, режисерот Боб Зимикс и јас“, неодамна изјави Хатавеј за магазинот „People“.

Класикот на Роалд Дал „The Witches“ ќе ве натера да поверувате дека вештерките можеби се кријат под вашиот кревет. Иако приказната не е крајно застрашувачка, многумина со нетрпение го очекуваат овој филм.

Дејството на филмот „The Witches“ е сместено во Алабама во 60-тите години на минатиот век, каде едно момче ќе налета на конференција на вештерки, додека со неговата баба престојуваат во хотел. претвори во глушец. Тие се борат да го заштитат хотелот полн со вештерки кои планираат да ги претворат сите деца во глувци.

Филмот доаѓа триесет години по славниот оригинал, во кој во 1990 година главната вештерка ја глуми Анџелика Хјустон со нејзината безвременска насмевка.

Овој пат, Ен Хатавеј ја презема улогата на главната вештерка. Во главните улоги покрај Хатавеј, ќе се појават и Октавија Спенсер и Стенли Тучи.

Иако за филмот била планирана кино премиера, сепак поради неизвесноста со пандемијата на коронавирус, Ворнер Брос бил принуден да ги смени плановите и наместо тоа премиерата да биде прикажана на „HBO Max“.