Раперот Еминем прослави 18 години трезвеност. Во понеделникот, 20 април, 53-годишниот музичар, чие вистинско име е Маршал Брус Матерс, објави фотографија на Инстаграм на која држи медалјон во чест на големата годишнина.

На работ од медалјонот пишува „биди верен на себе“, а внатре во триаголникот, веднаш до римскиот број XVIII, се зборовите „единство, служба, закрепнување“. Во описот на објавата, тој едноставно напиша „XVIII“.

Раперот со години се бореше со зависност од алкохол и дрога. На врвот на својата зависност, земаше до 20 апчиња викодин, амбиен и валиум, дневно. По првата рехабилитација во 2005 година, еден познаник му дал сини апчиња за кои не знаел што се. Подоцна се покажало дека се метадон.

– Докторот ми рече дека количината на метадон што ја земав е еквивалентна на четири дози хероин. Да знаев што е тоа, веројатно немаше да го земам. Но, со оглед на тоа колку бев лошо во тоа време, не можам да кажам со сигурност – се присетил Еминем во интервју за списанието „Вајб“ во 2009 година.

По речиси фатално предозирање во 2007 година, раперот се разбудил во болница. Тој зборуваше за искуството, кое го инспирираше сериозно да се посвети на трезвеност.

– По предозирањето, отидов дома и реков: „Ми треба нешто… Ќе умрам ако не направам нешто. Немав поим што се случи. Се чувствував како да заспав, а потоа се разбудив со цевки прикачени на моето тело. Сакав да станам, но не можев да се помрднам – рекол тој.

После тоа, Еминем почна да се опоравува, а во овој период го сними и албумот „Relapse“ од 2009 година. Тој зборуваше за тоа како е да се создава музика откако се отрезнил во 2022 година во подкастот на Пол Розенберг „Пол Под“.

– Се сеќавам кога првпат се отрезнив и целиот тој отров излегуваше од мојот систем. Бев навистина среќен и сè беше повторно ново и возбудливо. Тоа беше првиот албум и прв пат по долго време навистина уживав во снимањето – рекол тој.

ФОТО | Еминем по вторпат стана дедо – неговата ќерка Алејна роди девојче