Легендарниот рапер Еминем има огромна причина за славење. Неговата најстара ќерка, Алејна Скот, на свет го донесе своето прво дете, со што славниот музичар по вторпат стана дедо.

Алејна (32) на 14 април роди девојче, а среќната вест ја сподели со своите следбеници на Инстаграм два дена подоцна, објавувајќи ги првите фотографии со сопругот Мет Молер и новороденчето.

Девојчето го доби името Скоти Мари, а Алејна објасни дека изборот има многу посебна симболика и е посветен на жените во нејзиното семејство, нејзините сестри.

„Скоти, во чест на моите ’сестри Скот‘. Жените кои му дадоа толку многу значење на моето име и мојот живот. Нека таа сега му даде свое значење и нека секогаш знае колку е сакана од мама, тато и нејзините тетки“, напиша Алејна во емотивната објава.

Таа му се заблагодари и на својот сопруг Мет, нарекувајќи ја ќерката „најголемиот подарок во животот“.

Славниот рапер ја посвои Алејна, бидејќи нејзината биолошка мајка, сестрата на неговата поранешна сопруга Ким, се бореше со зависности. Еминем секогаш ја третираше како своја родена ќерка, а таа често е споменувана и во неговите песни. Ова е второ внуче за Еминем, откако неговата друга ќерка, Хејли Џејд, претходно роди син.