Поранешниот македонски репрезентативец Дарко Панчев беше дел од новогодишната анкета на „Информер“ во која учествуваа уште пет фудбалски балкански легенди и од нив беше побарано да го скројат најдобриот состав од просторите на поранешна Југославија, играчи кои се сега активни во фудбалот.

Покрај Панчев, во анкетата беа уште Златко Заховиќ, Предраг Мијатовиќ, Томислав Ивковиќ, Мехмед Баждаревиќ и Владимир Југовиќ.

Во изборот на Панчев се наоѓа и актуелниот македонски репрезентативец и воедно член на италијанскиот клуб Наполи, Елиф Елмас.

Покрај Елмас, во идеалните 11 се и Облак (Атлетико Мадрид), Врсаљко (Атлетико Мадрид), Савиќ (Атлетико Мадрид), Павловиќ (Монако), Перишиќ (Интер), Модриќ (Реал Мадрид), Ковачиќ (Челси), Тадиќ (Ајакс), Митровиќ (Фулам) и Влаховиќ (Фиорентина). Селектор: Драган Стојковиќ Пикси.

– Добро ми спомнавте дека во тимот одат само сегашни играчи, затоа што доколку би се броеле сите, тогаш немаше да има место за сегашните. Се шегувам секако. И од сегашните играчи може да се направи тим достоен за титулата светски шампион – вели Панчев.