Околу триста затвореници, едни од „најопасните“ во Еквадор, се префрлени во новоизграден затвор со максимална безбедност вчера, објави претседателот на латиноамериканската земја, Даниел Нобоа, уште еднаш демонстрирајќи го својот цврст став против бандите што ја пустошат неговата земја, пренесува Ројтерс.

„Криминалот сакаше да го провоцира Еквадор (…) Денес, Еквадор одговори со акции“, напиша претседателот Нобоа на Икс, придружувајќи ја објавата со фотографии на кои се прикажани околу дваесет затвореници, во портокалови униформи, со врзани раце, избричени и наведнати глави, седејќи, со војници зад нив со автоматски пушки и покриени лица.

El crimen quiso desafiar al Ecuador y empezar su campaña. Hoy, el Ecuador le respondió con hechos.

Los primeros 300 PPL más peligrosos ya fueron trasladados a la Cárcel del Encuentro. pic.twitter.com/fu3OJQ7fhC

— Daniel Noboa Azin (@DanielNoboaOk) November 10, 2025

Затворот, наречен „Карсел дел Енкуентро“ („затвор на средбата“), се наоѓа во Хунтас дел Пацифико, во западната провинција Санта Елена.

Со капацитет од 800 места, тоа е еден од двата затвора што претседателот Нобоа вети дека ќе ги изгради, по примерот на огромниот затвор изграден по наредба на неговиот колега од Ел Салвадор, Наиб Букеле, во име на неговата „војна“ против бандите за трговија со дрога.

Во втората порака, еквадорскиот претседател објави фотографија од она што изгледаше како коса од затвореници на подот и го напиша името на затворот и датумот, коментирајќи: „ќе почнат да плачат…“

Ya empezarán con la quejadera… pic.twitter.com/GbV376Zuqr

— Daniel Noboa Azin (@DanielNoboaOk) November 10, 2025

„Забавата заврши“, изјави министерот за внатрешни работи Џон Реберг пред печатот.

Нобоа, кој е на власт од 2023 година, е критикуван од организациите за човекови права, кои ги осудуваат многуте злоупотреби на силите за спроведување на законот во рамките на вонредните состојби воведени од неговата влада.

Трансферот на 300 затвореници беше најавен еден ден по уште еден масакр во затворот во Мачала, на југозападниот дел од земјата, каде што властите соопштија дека биле убиени 31 затвореник.

Затворите во Еквадор со текот на годините станаа центри на операции за сопернички банди, кои се натпреваруваат особено во трговијата со дрога и се вклучени во бесконечни конфликти со околу 500 мртви од 2021 година.

ВИДЕО | Еквадор: Убиени 31 затвореник во насилни инциденти во затвор во Мачала