Екстремно ментално растројство е организирање убиство на малолетничка, сметаат психолози
Постапките на лицата вмешани во убиството на 14-годишната Вања, како и случајот во Приштина, кога мајка беше убиена пред очите на нејзините деца, по својата свирепост ги надминуваат и делата што се сметаат за манијакални, вели психологот Арбер Кадриу за „Градска.мк“.
– Психопатијата е растројство на личноста кое се карактеризира со манипулативно однесување, недостаток на емпатија и склоност кон измама. Способноста да се препознаат овие особини е од клучно значење, бидејќи психопатите можат да бидат шармантни, харизматични и многу вешти да го сокријат своето вистинско јас – вели Кадриу.
Според него, варварското организирање против една малолетничка може да се смета за екстремно ментално растројство.
– Уште полошо е кога разбираме дека ова се случува и од родители со цел профитирање – вели Кадриу.