Експремиерот на Хрватска Иво Санадер осуден на шест години затвор
Освен за примање мито од 10 милиони евра за да им ги предаде правата на управување во „Ина“ на Унгарците, поранешниот премиер е обвинет дека со Хернади договорил издвојување на нерентабилниот дел од бизнисот со гас.
По една година и два месеца судење, беше донесена нова неправосилна пресуда во окружниот суд во Загреб за поранешниот премиер и претседател на ХДЗ Иво Санадер и директорот на унгарскиот МОЛ, Злот Хернади, поради прифаќање, односно давање мито во аферата „Ина-МОЛ“, поради што Санадер е осуден на затворска казна од шест години.
Освен за примање мито од 10 милиони евра за да им ги предаде правата на управување во „Ина“ на Унгарците, поранешниот премиер е обвинет дека со Хернади договорил издвојување на нерентабилниот дел од бизнисот со гас во „Ина“.
Ако пресудата стане правосилна, на барање на Обвинителството, тој ќе треба на државата да ѝ врати 10 милиони евра.