ЕБРД со итен пакет за солидарност ќе ги стимулира економиите во 38 економии на три континенти кои се под нејзина „капа“. Банката за таа намена ќе одвои за почеток околу една милијарда евра наменети за помош на компаниите во овие земји, за што на крајот на март ќе објави и детални економски прогнози со кои ќе бидат опфатени економиите од регионот на ЕБРД.

Според Банката, пандемијата во исто време влијае врз понудата и потрошувачката, а конечното економско влијание ќе зависи од траењето на пандемијата, како и од националните политики и од здравствените мерки што се преземени за борба против Ковид-19.

Според ЕБРД индиректните ефекти врз економијата вклучуваат прекин на глобалниот синџир за снабдување, послабата надворешна побарувачка, пониските цени на нафтата и артиклите и широк регионален пад во туризмот и патувањата.