Европската ракометна федерација (ЕХФ) го одложи натпреварот помеѓу најдобрите женски ракометни репрезентации на Израел и Грција во квалификациите за пласман на Европското првенство 2026.

Овој меч во рамките од квалификациската група 6 првично беше закажан за в среда, 4 март, во Ришон-ле-Зион.

Одлуката е донесена поради актуелните случувања на Блискиот Исток со нивните последици врз воздушниот сообраќај во Израел и во соседните земји, како и соодветните безбедносни прашања и потребата од заштита на националните тимови и официјалните лица.

Натпреварот е одложен до понатамошно известување, објавија од Европската ракометна федерација.

Нов датум и ново место на одржување на мечот ќе бидат соопштени навремено.