Три години по разводот од легендата на американскиот фудбал Том Брејди, познатата бразилскиот топ модел Жизел Бундшен повторно застана пред олтарот. Таа и нејзиниот партнер, инструкторот по џиу-џицу Хоаким Валенте, се венчаа на интимна церемонија во Флорида на 3 декември.

Како што пишува „Пејџ сикс“, кој прва ја објави веста, двојката се венчала во својот дом во Серфсајд, опкружени со своите најблиски пријатели. Претставникот на познатата 45-годишна манекенка сè уште не ги коментирал овие наводи.

Оваа венчавка е врвот на љубовта н Жизел и Хоаким кои добија бебе на почетокот на оваа година. Имено, тие станаа родители на момче во февруари, а извор близок до двојката ја потврди среќната вест во октомври минатата година.

„Жизел и Хоаким се среќни за ова ново поглавје во нивните животи и со нетрпение очекуваат да создадат мирна и љубовна средина за целото семејство“, изјави тогаш извор за „Пипл“.

Новороденото бебе е трето дете за Жизел, која има 15-годишен син, Бенџамин, и 12-годишна ќерка, Вивијан, од нејзиниот 13-годишен брак со Том Брејди.

Жизел и Хоаким за првпат беа видени заедно во ноември 2022 година во Костарика, каде што престојуваа со нејзините деца, но ја започнаа својата врска во јуни 2023 година. Иако моделот првично негираше романса со својот тренер, нивното пријателство на крајот се претвори во љубов, што изворот го потврди во февруари 2024 година.

„Тие прво беа одлични пријатели. Таа е многу дискретна во врска со тоа и сакаше да го чува во тајност додека се запознаваа“, откри извор запознаен со тоа во тоа време.

Друг извор додаде дека ѝ Хоаким бил „голема утеха“ на Жизел „додека таа минуваше низ разводот“ од Брејди, од кого се раздели во октомври 2022 година.

„Хоаким е одличен човек“, додал изворот. „Тој е приземен, љубезен и инспиративен. Жизел се двоумеше дали да излегува со некој по разводот.“

Изворот објаснил за „Пипл“ зошто се толку добар пар:

„Тие доаѓаат од слични средини. Двајцата го напуштија Бразил многу млади. И двајцата создадоа неверојатни животи за себе во САД. И двајцата го сакаат Мајами, но исто така уживаат во патувањата. И двајцата уживаат во здрав живот. Жизел е во одлична форма. Таа е среќна и многу ужива во животот. Хоаким е совршен за неа.“

ФОТО | Жизел Бундшен секси и во поодмината бременост: Манекенката го истакна трудничкиот стомак во минијатурно бикини

ФОТО | Жизел Бундшен првпат јавно прошета со бебето: Бременоста воопшто не ја промени

ФОТО | Жизел Бундшен се породи пред само два месеци: На 45 години и родено трето дете, таа повторно изгледа спектакуларно!