Фудбалерот од средниот ред на Реал Мадрид, Едер Милитао, ќе биде опериран оваа недела во Финска откако повреди мускул на левата нога.

Бразилецот ќе отсуствува околу пет месеци, што значи дека ќе го пропушти претстојното Светско првенство, пренесува „Беин спортс“.

Милитао се повреди на натпреварот против Алавес, а по детална анализа, беше утврдено дека дефанзивецот повредил мускул на левата нога.

Операцијата ќе ја изврши престижниот доктор Ласе Лемпаинен, фински ортопедски хирург кој се смета за водечки светски експерт за овој вид спортски повреди.

Милитао дојде во Реал од Порто во 2019 година, и оваа сезона запиша 21 настап во сите натпреварувања, постигнувајќи два гола.

Селекцијата на Бразил е во групата Ц на Мундијалот со репрезентациите на Хаити, Мароко и Шкотска.