Еден од најомилените лaтино пејачи на сите времиња доби 43-годишен син (ФОТО)
Шпанскиот суд денес пресуди дека Хулио Иглесиас е татко на 43-годишен маж, решавајќи го така триесет години стариот спор за утврдување на татковство, бидејќи славниот пејач одбивал да се направи ДНК анализа.
Хавиер Санчез Сантос е роден во 1976 година, а неговата мајка е португалската танчерка Мариа Едите Сантос, тој сега и официјално е син на Хулио Иглесиас кој има право на жалба на пресудата.
Иглесиас (75) продаде повеќе од 300 милиони плочи на 14 јазици и е најпродаваниот латино уметник на сите времиња.
Ова е неговото деветто дете и прво вонбрачно. Три деца има од поранешниот брак со Изабел Прејслер, меѓу кои е и славниот пејач Енрике Иглесиас. Пет деца има со сегашната сопруга Миранда Ријнсбургер.