Папа Буба Диоп, еден од хероите на Светското првенство во Сенегал 2002 година почина по долго боледување. Тој имаше само 42 години.

После смртта на еден од најголемите во фудбалската игра, Диего Армандо Марадона, денеска нова тажна вест, почина човекот кој се прослави со неговиот гол пред 18 години и големата победа на Сенегал против тогаш актуелниот светски шампион Франција (1:0). За репрезентацијата дебитираше во 1999 година, на истиот Мундијал 2002 стигна до четвртфиналето.

Во клупската кариера после добрите игри во неколку швајцарски клубови, направи трансфер во Ленс преку кој се пресели во Англија.

FIFA is saddened to learn of the passing of Senegal legend Papa Bouba Diop.

Once a World Cup hero, always a World Cup hero. pic.twitter.com/akUJoPxCal

— FIFA World Cup (@FIFAWorldCup) November 29, 2020

Го засили Фулам во 2004 година, а потоа го носеше и дресот на Портсмут со кој го освои ФА Купот во сезоната 2007/08.

Беше дел од грчкиот АЕК, во 2011 година се врати во Англија и се пресели во Вест Хем, а потоа ги бранеше и боите на Бирмингем каде што пред седум години ја заврши професионалната фудбалска кариера.