Европската централна банка во мај им позајмила на шпанските комерцијални банки околу 176 милијарди евра, што е најголема сума во последните шест години, покажуваат официјалните податоци.

Таа цифра е за околу 8,5 милијарди евра поголема во однос на 167,5 милијарди евра позајмени во април оваа година.

Најголема сума што комерцијалните банки во Шпанија некогаш ја позајмиле од ЕЦБ е забележана во август 2012 година, во износ од 411 милијарди евра, за време на врвот на финансиската криза во Шпанија.

Кон крајот на месецот, се очеува земјите во еврозоната да аплицираат за евтини нови долгорочни линии за финансирање од ЕЦБ, со цел да го намалат влијанието од епидемијата на новиот коронавирус.