Кошаркарската федерација на Грција ги казни Кендик Нан и Тајрик Џонс поради тепачката во финалната серија од грчкото првенство.

Џонс и Нан најпрвин имаа вербален дуел на теренот, а потоа и физички се пресметаа по крајот на финалето меѓу Олимпијакос и Панатинаикос во „ОАКА Арената“.

Центарот на Олимпијакос, Тајрик Џонс, ќе треба да плати вкупно 100.000 евра. Половина од сумата му е изречена поради инцидентот во текот на третата четвртина, кога влезе во вербална и физичка пресметка со Кендрик Нан, по што беше исклучен од натпреварот. Останатите 50.000 евра се поврзани со продолжението на хаосот пред соблекувалните, каде што тензиите меѓу двата тима дополнително ескалираа по исклучувањата.

Асот на Панатинаикос, Кендрик Нан е казнет со 50.000 евра поради учество во инцидентите.

ВИДЕО | Хаос за време на финалето во Грција: Олимпијакос шампион, мечот обележан со голем инцидент