Џез-составот „Некст ту сајленс“ ќе одржи концерт во Музејот на вода крај Охридското езеро
Музејот на вода е едно од најмагичните места на Охридското езеро и се наоѓа над археолошкиот локалитет Плоча – Миќов Град. Џез-составот „Некст ту сајленс (Next to Silence)“ на тоа место ќе одржи концерт на 22 мај, со почеток во 13 часот.
– Концертот, кој се организира во соработка со Завод и музеј – Охрид и Центарот за истражување на предисторијата, ќе се изведе на реконструираната наколна населба во рамки на Музејот на вода кај Градиште. Добредојдени се сите што сакаат да слушнат и видат како звучи и изгледа овој спој на џез музика и предисторија во епскиот амбиент на Заливот на коските – истакнуваат од бендот.
На овој настап „Некст ту сајленс“ ќе изведат авторски дела од нивниот албум, како и композиции од реномираната издавачка куќа ЕСМ, коишто целосно се вклопуваат во природниот амбиент на заливот.
Концертот ќе биде бесплатен, а за влез во Музејот на вода се наплаќа билет од 120 денари.