Американскиот актер Џеф Бриџис ја објави веста дека му е дијагностициран лимфом во 2020 година. Лошата вест ја добил за време на паузата од снимањето на телевизиската серија „The Old Man“, а за да биде ситуацијата покомплицирана, актерот го прележал и коронавирусот додека посетувал хемотерапија.

„Заболев од рак и одев на хемотерапија, а згора на сѐ, фатив и коронавирус. Хемотерапијата ми го уништи имунитетот, па кога го фатив коровирусот, немав со што да се борам. Бев болен речиси две години и сѐ ми делуваше како сон“, се присети тој.

 

View this post on Instagram

 

A post shared by Jeff Bridges (@thejeffbridges)

Бриџис вели дека, и покрај тешките месеци поминати во болница, морал да го извлече најдоброто од ситуацијата.

„Не е сѐ толку лошо. Болеста имаше и прекрасни аспекти, сосема неочекувани, како што беше сета таа љубов од семејството, пријателите и од сите луѓе ширум светот. Тоа беше прекрасно, неочекувано чувство. Си реков ‘О, да, ова е животот, ова е прекрасно’, и сè стана некако многу скапоцено“, вели актерот.

 

View this post on Instagram

 

A post shared by Jeff Bridges (@thejeffbridges)

Актерот сподели охрабрувачки вести за неговиот рак во јануари 2021 година, известувајќи ги обожавателите дека неговиот тумор „драстично се намалил“.

„Го прекинавме снимањето(на серијата ‘The Old Man’) поради пандемијата и паузиравме неколку месеци во кои започна мојата здравствена авантура. А потоа, две години подоцна, се вратив на работа и тоа беше најбизарното чувство – како да имавме долг викенд и едвај чекав да им кажам на пријателите за мојот сон: бев болен, бев во болница. Знаете, сѐ беше како во сон“, раскажува Бриџис.

Оскаровецот вели дека сега се чувствува одлично и дека е среќен што ја промовира својата серија.