Џастин Бибер е позитивен на ковид-19, пренесуваат светските медиуми. Пејачот морал да ја одложи својата светска турнеја „Justice“.

Во саботата беше објавено дека шоуто во Лас Вегас закажано за недела е одложено по избувнувањето на ковид-19 во тимот на 27-годишната поп ѕвезда.

„Поради позитивните резултати на ковид-19 во рамките на семејството на „Justice Tour“, ние, за жал, ќе мораме да го одложиме неделното шоу во Лас Вегас“, се вели во соопштението. „Џастин, се разбира, е многу разочаран, но здравјето и безбедноста на неговата екипа и обожавателите се секогаш негов приоритет број еден“.

Due to a covid outbreak within the team, Justin Bieber’s Justice World Tour show scheduled to take place in Las Vegas, Nevada has been rescheduled to June 28, 2022. pic.twitter.com/Tqgrktefjn

— Justice Tour Updates (@JusticeTourNews) February 20, 2022

Светската турнеја „Justice“, која првично требаше да започне во март 2020 година, беше одложена скоро две години поради пандемијата.

Бибер го започна првиот концерт во петокот во Сан Диего. Лас Вегас беше втората станица на турнејата, која е предвидена да трае до март 2023 година.

„Почетокот на турнејата во Сан Диего беше огромен успех и Џастин е возбуден да им го донесе ова спектакуларно шоу на своите фанови во Лас Вегас што е можно поскоро“, се додава во соопштението.