Италијанската фудбалска репрезентација ќе го пропушти и третото по ред Светско првенство, по неодамнешната елиминација во баражот против Босна и Херцеговина.

Легендарниот голман Џанлуиџи Буфон, по ваквиот резултат поднесе оставка од својата позиција шеф на националниот тим во италијанската репрезентација и се обиде да го објасни својот став за неуспехот.

Во интервјуто за „Гардијан“ откри кои се причините кои тој ги смета за одговорни за падот на италијанскиот фудбал.

– Би рекол дека постојат три јасни причини. Првата е глобализацијата, која им овозможи на сите тимови да бидат многу конкурентни, а просечното ниво на игра многу се зголеми. Второ, до пред 15 години кога победувавме, бевме тактички посилни од нашите противници. И трето, имаме некои фантастични играчи, но она што недостасува е вистински креативниот талент како Роберто Баџо, Алесандро Дел Пјеро или Франческо Тоти, кои ни помагаа да победуваме – рече Буфон.

Буфон со репрезентацијата успеа да стане светски шампион во 2006 година, а беше и финалист на Европското првенство во 2012 година.