Во име на пратениците на Собранието на Република Северна Македонија и во негово лично име денот на полицијата го честиташе и претседателот на Собранието, Талат Џафери кој заедно министерот за внатрешни работи и други државни функционери присуствуваше на манифестацијата по повод 7 мај денот на полицијата што денес се одржа во Делчево.

– Дозволете со најголемата искреност до сите вас што секој ден сте будни, подготвени, никогаш уморни да застанете во одбрана и заштита на животот, имотот и правата, во чување на мирот и уставниот поредок на државата во секој миг од денот или ноќта, на секој агол од татковината, на копно, во воздух, во вода, на улиците на нашите градови, и села, дури и најоддалечените и понекогаш непристапни терени. При тоа, безрезервно и пожртвувано го ставите во опасност најскапоценото, вашиот живот, а со то ги ставите во незавидна положба, во состојба на постојан трепет и стравување вашите најмили за кои се разбира вие сте најдрагоценото и најмилото, истакна во својот говор претседателот на Собранието Талат Џафери.

Собранието на Република Северна Македонија, додаде тој, ќе биде секогаш како и досега отворено за вашите предлози, сугестии и конкретни законски измени кои би биле во насока на подобрување на статусот на полицијата.

– Дозволете на овој ден, да изразам голема почит за пожртвуваноста, посветеноста и херојството во вршење на тешката и во исто време одговорна должност на полициските службеници, нагласи Џафери.