Повеќе од половина од 81 провинција во Турција се под „жолта тревога“ издадена од турската метеоролошка служба. Вкупно 48 провинции се под ова предупредување поради опасните временски услови проследени со силни бури, обилни дождови и висок ризик од лавини. На сила е препораката да не се патува.

Во регионите на Мармара и Егејското Море се очекува ветер со брзина од 90 километри на час, што веќе предизвикува страв од паѓање дрвја, уривање на покриви и прекини во морскиот и воздушниот сообраќај. Во источните делови главната закана се лавините.

Во провинцијата Хаќари, две студентки биле затрупани од голема количина снег што паднал од покрив на студентски дом. Тие биле спасени и се во стабилна состојба. Во областа Шемдинли, снегот од покривите урнал електрични столбови, оставајќи цели населби во мрак. Автомобили се заглавени под лавини на патиштата.