Две работи кои децата никогаш нема да им ги простат на родителите: Кога ќе пораснат, тие можат да разберат, но не и да заборават!
Децата можат да им се налутат на своите родители. Понекогаш тие дури и ветуваат дека никогаш нема да им простат и нема да заборават. Честопати овие „слатки“ закани не значат ништо. Но, постојат и други случаи, постапки на возрасните, кои навистина им нанесуваат длабоки емоционални рани на децата .
Кога тие деца ќе пораснат, можеби ќе можат да ги разберат причините, но не и да простат.
Овие две работи децата обично никогаш не им ги простуваат на родителите!
Прекршени ветувања
Ако не постои начин да се исполни ветувањето, тогаш подобро е да не го давате. Ова е вистината што возрасните ја влеваат во нас уште од детството, нели? И тоа му го повторуваат на детето одново и одново, барајќи детето да го одржи зборот и да ги одржи ветувањата.
Сепак, самите возрасни честопати ги кршат своите ветувања, а во исто време секогаш наоѓаат изговори – не можеле, не успеале, некои трети причини го спречиле тоа, дека имаат толку многу проблеми што едноставно не можат да постигнат на сите страни …
Вие не можете ниту да поверувате колку години децата знаат да веруваат во некои ветувања и молчејќи секој ден да трпат разочарување поради тоа што ветување не е исполнето. Децата речиси никогаш не ги забораваат ветувањата.
Непочитување
Многу родители сметаат дека нивните деца се мали и дека ќе заборават сè. Тие исто така забораваат и дека децата не се еднакви со возрасните, па затоа ги потценуваат нивните достигнувања и успеси, кои се претежно мали, исто како нив. Кревката, нежна и весела детска душа ќе посака да ја пофалите за нешто мало, а вие мислите дека тоа не е ништо посебно и го велите тоа, не знаејќи колку со тоа го повредувате детето.
На пример, едно девојченце сака само да направи фустани за своите кукли. Родителите велат дека тоа е губење време, дека треба да се посвети на нешто покорисно. На почетокот, ова се фустани кои се склопуваат од домашни материјали, но текот на времето се шијат и стануваат сè подобри и поубави. Кога ќе порасне девојчето, доколку има одлична кариера во светот на дизајнот и успее, секогаш ќе има и една грда меморија – дека нејзините родители никогаш не верувале во неа …
Бидете внимателни што им ветувате на децата. Бидете внимателни што ќе им кажете за нивните страсти и хобија. Постои голема шанса никогаш да не ви бидат простени непримерните зборови …
Дали се сеќавате на некое скршено ветување на вашите родители што и денес ве повредува?