Два грчки борбени авиони Ф-16, стационирани на Кипар, полетале во средата откако околу 9:30 часот бил забележан дрон во близина на либанскиот воздушен простор, кој можеби бил насочен кон британската воена база „РАФ Акротири“. Засега не е познато дали дронот бил пресретнат или соборен, објави „Катимерини“.

Како мерка на претпазливост, воздушниот простор над Меѓународниот аеродром Ларнака привремено бил затворен, поради што авион на „Егеан ерлајнс“ кој летал кон Ларнака бил принуден да се врати во Атина.

Во раните утрински часови во понеделникот, беспилотно летало за еднонасочен напад се урнало на пистата на базата „РАФ Акротири“.

Грција распореди вкупно четири борбени авиони Ф-16 „Вајпер“ и две фрегати во одбранбена операција насочена кон заштита на Кипар од потенцијален ирански напад и како знак на солидарност на Атина со Никозија. Два грчки воени бродови утрово пристигнаа во близина на Кипар.

ВИДЕО | Британска база на Кипар нападната од ирански дрон „шахид“