Мешовитата македонско-бугарска комисија за историски и образовни прашања, не е надлежна  да разговара и преговара  за историските аспекти на Охридската Архепископија, по што треба усогласен текст да се вгради во учебниците за основно образование, смета Демократски сојуз.

-Охридската Архепископија е поврзана со вековното опстојување и посебноста на Македонскиот народ, поради што да се преговара за тоа дали оваа Архепископија е Македонска или Бугарска е рамно на велепредавство – велат од ДС.

Според партијата, евентуалниот договор ќе биде дел од Протоколот,  тоа значи и дел од Преговарачката рамка за започнување на пристапните преговори со ЕУ.

-ДС бара записникот од преговорите јавно да се објави и доколку за ова прашање е разговарано, Комисија (од македонскиот дел), да биде разрешена и во комисијата да се изберат истата историчари резистентни на политичко влијание – велат од ДС.

Реакција од македонскиот тим во мешовитата историска комисија: Не работиме на утврдување на статусот на МПЦ-ОА туку на претставување на ОА во учебниците по историја