Нови 2,4 милиони евра се насочени кон домашниот бизнис-сектор. Министерството за финансии изврши трансфер на 148,6 милиони денари кон Развојната банка, средства што ќе бидат искористени за поддршка на инвестициите на македонските компании. Со последната уплата, вкупната вредност на средствата што се пласирани во економијата достигна 14,5 милијарди денари, односно 235,8 милиони евра.

Државната програма за поддршка на домашните компании предвидува вкупен буџет од 250 милиони евра, а според проценките, овие средства треба да придонесат за инвестициски циклус вреден околу 300 милиони евра. Финансиската поддршка е наменета за компании кои сакаат да реализираат нови инвестиции, да го прошират производството и да го забрзаат својот развој.

Кредитите до крајните корисници ќе се пласираат преку деловните банки со поволни услови – фиксна каматна стапка од 1,95 проценти годишно, период на отплата до 15 години и грејс период до три години. Од Министерството за финансии посочуваат дека целта е преку овие средства да се стимулира приватната иницијатива, да се отворат нови можности за компаниите и да се даде дополнителен поттик на економскиот раст.

Автомобилот е ваш и кога е на лизинг, со него не располага компанијата на која ѝ го плаќате