Доживотна суспензија за претседателот на Анкарагучу поради нападот врз судијата Халил Умут Мелер
Во рамките од турската фудбалска Супер лига екипите на Анкарагучу и Ризеспор ремизираа 1:1, а претседателот на домашниот клуб Фарук Коча незадоволен од арбитражата на крајот истрча на теренот и со тупаница удри по лицето на главниот судија на натпреварот Халил Умут Мелер.
Откако падна на теренот, Мелер доби уште неколку клоци и заврши во болница од која беше пуштен во средата.
Следниот ден Коча беше уапсен поради нападот врз судијата, следуваше неготото извинување и оставка од функцијата претседател на фудбалскиот клуб Анкарагучу, но тоа не му помогна.
Како што пренесува „Дејли Мејл“, Фудбалската федерација на Турција донесе одлука да го суспендира Коча доживотно, а тој ќе треба да плати и казна од 65.000 евра.
Исто така, Анкарагучу следните пет домашни натпревари ќе ги игра пред празни трибини. Како што е познато од претходно турското првенство ќе продолжи на 19 декември.
ВИДЕО: Претепаниот судија разговараше со претседателот на Турција Ердоган
ВИДЕО: Претепаниот судија разговараше со претседателот на Турција Ердоган
ВИДЕО: Претепаниот судија разговараше со претседателот на Турција Ердоган