Дортмунд не запира, нова мета е ѕвезда на Јувентус
Борусија Дортмунд агресивно тргна во летниот преоден рок, и за само 48 часа комплетира три засилувања за кои потроши околу 85 милиони евра. „Милионерите“ ги комплетираа трансферите на Торган Азар од Борусија Менхенгладбах, Јулијан Брант од Баер Леверкузен и дефанзивецот на Хофенхајм, Ник Шулц. Пред еден месец, Борусија за сума од 23 милиони евра го откупи и договорот со напаѓачот Пако Алкасер.
Но „милионерите“ не планираат да застанат тука, следен на листата на желби е напаѓачот на Јувентус, Марио Манџукиќ. Хрватскиот репрезентативец иако има договор до „старата дама“ до 2021 година, неговата иднина не е сигурна, посебно доколку како нов тренер пристигне Маурицио Сари кој веднаш со него ќе го донесе и Гонзало Игуаин.
Токму неизвесноста околу првотимскиот статус Манџукиќ во Јувентус, сака да ја искристи Борусија Дортмунд, и веќе се направени контакти со менаџерот на Хрватот. Тренерот Лусиен Фавр дал зелено светло да се започнат преговори со италијанскиот шампион и за очекување е до крајот на летниот преоден рок да се реализира и ова засилување со што Борусија Дортмунд би бил и повеќе од сериозен конкурент на Баерн Минхен за титулата во Бундес лигата.