Доријан Бабунски пред трансфер во швајцарскиот Грасхоперс?!
Има најави дека Доријан Бабунски ќе си замине од Дебрецен, а детали за ова откри за унгарскиот „М4 спорт“ тренерот на клубот, Срѓан Благојевиќ.
Македонскиот репрезентативен напаѓач наводно преговара со странски клубови.
– Бабунски не е во составот, тој преговара со странски клубови. Се води процес, чии детали не ги знам, но затоа решивме да не биде во составот против МТК – изјави Благојевиќ за „М4 спорт“ пред лигашкиот натпревар против МТК.
„Немзети Спорт“ информира дека нашиот 26-годишен напаѓач ќе потпише договор со Грасхоперс од Швајцарија.
За Дебрецен во сезоната 2021/2022 во унгарскиот шампионат имаше 16 настапи и четири голови, лани запиша 30 настапи и 13 голови, а летово имаше два настапи и еден гол. Претходно на клупски план беше дел и од Фуенлабрада, Олимпија Љубљана, Радомље, Мачида Зелвиа, Кагошима јунајтед и Ботев Враца.
Грасхоперс не ја започна најдобро новата сезона во најсилната швајцарска фудбалска лига, по пет кола е на деветтата позиција со четири бодови, седум помалку од водечкиот Цирих.
