Денеска во првиот натпревар од плејофот на Лигата на Европа фудбалерите на Фенербахче на домашен терен високо со 3:0 загубија од Нотингем.

Стрелци на головите за англиската екипа беа Муриљо во 21, Игор Жезус во 43 и Гибс-Вајт во 50 минута од мечот во Истанбул, Турција.

И во другите три мечеви славеа гостите, Динамо Загреб е совладан од Генк со резултат 3:1. Белгијците водеа од 15 минута со голот на Хејнен, а во 21 минута за зголемување на предноста се погрижи Ел Уади.

Пред крајот на првото полувреме Хрватите намалија преку Бељо (44`), а конечниот епилог го постави Ел Уади со својот втор гол на средбата во 90 минута.

Италијанската Болоња со голот на Кастро во деветтата минута славеше кај норвешки Бран, а Селта Виго со 2:1 триумфираше над ПАОК.

Шпанците водеа по првиот дел со погодоците на Аспас во 34 и Сведберг во 43 минута, а Грците својот единствен гол го имаа во 77 минута кога стрелаше Еремееф.