Доктор Стојанов: Мерката изолација од 10 дена не држи вода со омикрон
Екс директорот на центарот за јавно здравје Скопје и долгогодишен епидемиолог доктор Алексндар Стојанов вели дека дефинитивно мора да се направат измени и периодот на изолацијата за ковид позитивните пациенти да се намали, затоа што веќе не владеат истите правила од почетотот на пандемијата со појавата на омикрон варијантата.
-Не држи вода веќе тоа. Никој не може да седи дома десет дена или дваесет дена, а и не е епидемиолошки и медицински оправдано. Еве погледнете во САД каде што превладува омикрон, вчера имаа 1 милион новозаразени. Таму ја намалија изолацијата од 10 на 5 дена. Нашиот проблем е што не тестираме доволно и не секвенционираме дали заразениот е со омикрон или со делта. Но објективно како што ќе поминува времето, така ќе преовладува омикрон и ќе треба да се намали изолацијата. На омикрон инкубацијата му е 3 дена, а лекувањето 5 дена и после тоа пациентот не е заразен. Затоа Американците направија изолацијата да трае пет дена. Но сепак, за ваква мерка мора да знаете дали е омикрон. Ако е делта тогаш не треба да излезе од изолација толку рано, објаснува доктор Стојанов за Слободен печат.
И во Македонија ќе се намалува изолацијата за ковид од 10 на 7 дена